20 лютага ў Беларусi пройдзе анлайн-дыктоўка па беларускай мове

21 лютага — Міжнародны дзень роднай мовы. Да гэтай даты на радыё «Культура» прымеркавана правядзенне анлайн-дыктоўкi па беларускай мове.

Праводзяць дыктоўку сумесна Інстытут мовазнаўства імя якуба Коласа Цэнтра даследаванняў беларускай культуры, мовы і літаратуры НАН Беларусі, Цэнтральная навуковая бібліятэка імя Якуба Коласа НАН Беларусі разам з радыё «Культура».

Анлайн-дыктоўка пройдзе ў пятніцу, 20 лютага, з 13:00 да 14:00 непасрэдна ў памяшканні Цэнтральнай навуковай бібліятэкі імя Я. Коласа НАН Беларусі (г. Мінск, вул. Сурганава, 15).

Слухаць трансляцыю можна: 

— на хвалі 102.9 FM (радыё «Культура»);  

— у online-фармаце www.radiokultura.by;  

— у Нацыянальным радыёплэеры radioplayer.by;  

— а таксама праз разумную калонку Аліса.