17 фев / 2019
«Пайду, калi пойдуць сябры!». Беларускамоўны 8 «Г» клас СШ № 29 г. Брэста папоўніўся навічкамі

22 сентября 2018

«Напярэдадні новага навучальнага года мы засмуціліся крыху, - кажа дырэктар школы Сяргей Саўчук. - З тых вучняў, што ў 2015 годзе паступілі ў пяты беларускамоўны клас (першы за ўсю гісторыю школы), у восьмым застаўся адзін. Нечакана звярнуліся самі бацькі дзяцей: «Нас шасцёра, і мы хочам, каб дзеці вучыліся ў гэтым класе».

Новости Бреста

Вучні 8 Г класа (злева направа) Коля Душкевич, Святаслаў Саўчук, Глеб Гунько, Таня Нярода, Віталій Нярода і Ліза Жэмніцкая.

Ініцыятыва «знізу»

Менавіта гэтая гарадская школа стала «першапраходцам» у беларускамоўным навучанні. Каб рэалізаваць сваё жаданне вучыць сына Францішка на роднай мове, яго бацькам Уладзіміру і Маргарыце Вялічкіным у свой час давялося прыкласці шмат намаганняў і знайсці аднадумцаў. У 2011 годзе клас з беларускай мовай навучання з шасці чалавек з'явіўся ў пачатковай школе № 34. З пятага класа дзеці працягваюць вучобу ў сярэдняй школе № 29. Але нешматлікі і без таго клас «рассыпаўся».

- Адны выбралі школу побач з домам, а некага не задаволіў надта малы клас і, на іх думку, дэфіцыт зносін, - расказвае кіраўнік установы адукацыі. - Сёмы клас - гэта ж пераходны ўзрост. А ў класе былі адны хлопцы. Цяпер, дарэчы, прыйшлі і дзве дзяўчынкі.

Ініцыятыву напярэдадні навучальнага года праявілі бацькі Тані і Віталія Нярода. І ўсё вырашылася надзвычай хутка. Літаральна за выхадныя іх знаёмыя адазваліся на прапанову. Яны разумеюць: сярод пераваг вучобы ў такім класе - не толькі больш глыбокае веданне роднай мовы. Менш вучняў - больш магчымасці індывідуальнага падыходу з боку настаўнікаў. Тут не атрымаецца адсядзецца за спіной суседа. А самі дзеці казалі так: «Я пайду ў гэты клас, калі пойдуць мае сябры». Так у «старажыла» Колі Душкевіча ў 8 «Г» класе з'явілася пяць новых аднакласнікаў.

Думаць па-беларуску

Падручнікі на беларускай мове ў дзяцей ёсць, прычым новенькія. А тыя, якіх не стае, паступяць ужо ў верасні. Не будзе праблем і з педагогамі: вопыт за тры гады назапашаны. Перавага аддаецца выкладчыкам, якія могуць забяспечыць якасны працэс навучання і валодаюць беларускай мовай. Так, Кацярына Клюева выкладае па-беларуску інфарматыку. Анжэла Проніна мае вопыт выкладання матэматыкі ў гэтым класе на працягу трох гадоў. Таццяна Шаўчэнка з мінулага года вядзе хімію. Дырэктар школы Сяргей Саўчук выкладае ў «беларускім» класе гісторыю Беларусі і сусветную гісторыю. А класным кіраўніком з гэтага года стане вопытны педагог, выкладчыца беларускай мовы і літаратуры Жанна Гнуда. Вось што, на яе думку, галоўнае:

- Мы ж беларусы, і нам варта не толькі ўмець размаўляць на сваёй мове, але і думаць. Для дзяцей, якія дасюль вучыліся на рускай мове, гэта не так проста. Нам трэба аб'яднаць намаганні з бацькамі, каб дзеці паспяхова ўвайшлі ў новыя моўныя рэаліі. Трэба разумець, што гэта глабальная тэма. Далучэнне вучняў да роднай мовы - гэта далучэнне да традыцый, культуры, гісторыі свайго народа. У рэшце рэшт, гэта шлях да самога сябе. Таму ў нас абавязкова будуць сустрэчы з берасцейскімі (і не толькі) пісьменнікамі, наведванне выстаў, музеяў, бібліятэк... У бліжэйшы час мяркую сустрэцца са сваімі былымі выкладчыкамі ў Брэсцкім універсітэце імя Пушкіна і абмеркаваць сумесныя планы.

9 «плюс»

Усяго праз два гады, пасля заканчэння 9-га класа, перад сённяшнімі васьмікласнікамі і іх бацькамі абавязкова паўстане пытанне: што далей?.. Працягваць адукацыю на беларускай мове ці зноў мяняць «моўныя рэаліі»?

Таня Нярода марыць стаць дызайнерам адзення, і ў ВНУ яна, як «гуманітарый», не сутыкнецца з сур'ёзнымі цяжкасцямі. А яе брат Віталій бачыць сябе ў будучым інжынерам ці тэхнолагам. У ВНУ яму, хутчэй за ўсё, давядзецца вывучаць фізіку і матэматыку або хімію на рускай мове. Калі за чатыры гады сітуацыя не памяняецца.

Само па сабе гэта не адбудзецца. Магчыма, «наверсе» прыслухаюцца да прапановы, якая прагучала не так даўно на I Міжнародным навуковым кангрэсе беларускай культуры ў Нацыянальнай акадэміі навук: прыняць дзяржаўную праграму падтрымкі беларускай мовы.

Хаця што замінае ўжо цяпер рэалізаваць прапановы бацькоў, якія ініцыявалі стварэнне беларускамоўнага класа ў Маскоўскім раёне Брэста? Напрыклад, правесці «круглы стол» з удзелам бацькоў дзяцей, якія навучаюцца ці хочуць, каб іх дзеці навучаліся на беларускай мове, кіраўнікоў гарвыканкама і упраўлення па адукацыі, а таксама дэпутатаў Нацыянальнага сходу, рэктараў універсітэтаў, кіраўнікоў школ і дашкольных устаноў, грамадскіх арганізацый.

Гэта як раз той выпадак, калі менавіта колькасць можа перайсці ў новую якасць адукацыі. Нездарма ж у саміх дзяцей (і не толькі іх) пераважае матывацыя: «Калі пойдуць мае сябры».

Колькі «беларускіх» класаў у Брэсце ў гэтым навучальным годзе?

Па інфармацыі ўпраўлення па адукацыі Брэсцкага гарвыканкама, у Маскоўскім раёне горада адзіны беларускамоўны клас у СШ № 29 (мікрараён «Усход»). У Ленінскім раёне ў гімназіі № 3 («Рэчыца») навучанне ў пачатковых класах арганізавана на беларускай мове.

Гэта восем класаў - па дзве «паралелі» з першага па чацвёрты клас уключна. З 5-га класа, па вопыту мінулых гадоў, дзеці (ці хутчэй іх бацькі) аддаюць перавагу рускай мове навучання, зважаючы на практыку, якая склалася ў ВНУ.

У дзіцячых садках горада няма ніводнай групы з беларускай мовай навучання.

Сяргей КУЛЬ, галоўны спецыяліст упраўлення вышэйшай адукацыі галоўнага ўпраўлення прафесійнай адукацыі Міністэрства адукацыі:

- Усе ВНУ гатовы рэалізаваць права студэнта на атрыманне адукацыі на адной з дзвюх дзяржаўных моў. Пры паступленні будучы студэнт указвае ў заяве мову навучання. І калі не менш за 20 чалавек выбіраюць беларускую мову - з іх фарміруецца група. І прэцэдэнты ёсць - да прыкладу, на гістарычным факультэце БДУ. У БНТУ і ў іншых універсітэтах таксама ёсць выдатныя спецыялісты, якія могуць выкладаць фізіку і матэматыку на беларускай мове. Калі ж група не набіраецца - студэнту давядзецца прайсці курс на рускай мове (я не хацеў бы поўнасцю выключаць магчымасць індывідуальнага навучання). Размова галоўным чынам аб запатрабаванасці ў грамадстве. Будзе яна - і ВНУ ў канкурэнцыі за студэнта будуць імкнуцца пашыраць такія магчымасці. А пачынаць варта «знізу» - з дашкольнага выхавання, бо ў ВНУ прыходзяць маладыя людзі, якія ўжо сфарміраваліся.

Хачу падкрэсліць, што зараз рыхтуецца новая рэдакцыя Кодэкса аб адукацыі, і мы поўнасцю адкрытыя да самых розных прапаноў з боку бацькоў, дзяцей і педагогаў.

ФОТО: Николая Чеберкуса

2021
0
Меня это радует (28.6%)
Мне все равно (28.6%)
Мне это интересно (7.1%)
Меня это злит (35.7%)

Отзывы отсутвуют. Вы можете первым оставить свой комментарий.

Правила комментирования на сайте vb.by

Не будут допускаться к публикации следующие комментарии:

  • содержащие ненормативную лексику и непристойные выражения, оскорбляющие честь и достоинство авторов публикаций, героев материалов, других комментаторов и иных лиц;
  • содержащие признаки межнациональной, религиозной вражды, в том числе пренебрежительные наименования других национальностей;
  • выражающие удовлетворение или радость от заведомо трагичных событий (смертей, аварий, катастроф и пр.);
  • содержащие оскорбления по признаку фамилии, имени или географического названия, оскорбления в связи с физическими недостатками;
  • содержащие призывы к насилию или самосуду, пожелания смерти или физических мучений;
  • содержащие сравнения людей или организаций с нацистами;
  • содержащие домыслы об интимной жизни героев публикаций или других комментаторов, а также личные выпады;
  • не соблюдающие презумпцию невиновности до решения суда;
  • написанные на иностранных языках (возможно исключение для польского, украинского или английского, если это не затрудняет понимание смысла);
  • написанные ИСКЛЮЧИТЕЛЬНО ПРОПИСНЫМИ БУКВАМИ (Caps Lock);
  • направленные против редакции «Вечернего Бреста» или конкретного автора;
  • повторяющиеся в одинаковом виде под несколькими публикациями (расценивается как спам);
  • бессмысленные комментарии, флуд, рекламу личных услуг.
  • неоправданно длинные комментарии или цитирования;
  • содержащие гиперссылки на другие сайты;
  • содержащие рекламу фирм, партий, движений, отдельных личностей;
  • содержащие персональные данные людей (адрес, телефоны и др.)
  • содержащие просьбы о переводе денег на адрес, банковский счет или карточку (для этого существует специальная процедура обращения в редакцию);
  • - содержащие пререкания с модераторами, советы и обсуждения решений модераторов.
Данные правила также распространяются и на комментарии в официальных аккаунтах «Вечернего Бреста» в социальных сетях.
Редакция vb.by обращает внимание читателей на то, что не допускается использование псевдонима, уже принадлежащего другому комментатору. Замечания, высказанные в комментариях по поводу возможных ошибок в текстах (орфографических, пунктуационных, лексических, смысловых и т.д.), могут быть учтены редактором сайта без публикации самого комментария.
Обращаем также ваше внимание, что даже если комментарий не несет формальных нарушений, но грубый по тону, он будет удален. Комментарии, представляющие собой пикировку двух и более лиц, не относящуюся к теме статьи, нежелательны и будут прерываться модератором.

В военном комиссариате Бреста и Брестского района до 1 апреля 2019 года осуществляется...
467
Торжественное мероприятие прошло в Парке воинов-интернационалистов. Сюда с цветами и...
804
14 февраля мир отмечает День святого Валентина - праздник всех влюбленных. Открытки,...
831
Где брестчане могут подать заявление в ЗАГС? Почему не распишут в агроусадьбе? Какие даты...
912
Кто в большей мере должен отвечать за безопасность детей в школах:









Ответить