21 янв / 2018
21 янв / 2018
БРЕСТ
-2°
-4°
БРЕСТ
-2°
-4°
БРЕСТ
-2°
-4°
Група NaviBand: «Пацалунак без рэпетыцыі – самы авантурны ўчынак»

09 января 2018

16 лютага ў Брэсце, у абласным грамадска-культурным цэнтры, упершыню з вялікім сольным канцэртам выступіць група NaviBand. Фіналісты «Еўрабачання-2017» напярэдадні Новага года выпусцілі новы альбом «Адной дарогай»: чацвёрты па ліку і другі - поўнасцю на беларускай мове.

Новости Бреста

Ксенія Жук і Арцём Лук'яненка аднолькава арганічныя на канцэрце ў андэграўндным клубе, тэлевізійным праекце і на рок-фестывалі. Новы кліп на песню «А дзе жывеш ты?» з гэтага альбома вельмі лёгкі, шчыры і натуральны. «Прыходзьце на канцэрт - і пераканаецеся, што мы ўмеем не толькі ўсміхацца і дарыць пазітыў», - кажуць Ксюша і Арцём. Аб чым яшчэ музыканты расказалі «Вячорцы» напярэдадні прэзентацыі новага альбома ў нашым горадзе (дарэчы, квіткі ўжо ў продажы)?

Нечакана: гэтыя песні ствараліся на хутары, у 300 кіламетрах ад Мінска, адразу пасля «Еўрабачання». Такі быў прыліў натхнення пасля конкурсу?

- Так, мы паехалі на хутар пасля конкурсу. Для нас было важна захаваць атмасферу яднання і напісання новых песень. Таму пасля конкурсу на тыдзень з'ехаліся групай, працавалі і атрымлівалі задавальненне ад таго, што адбываецца. Гэта было цудоўна. Музыку да 9 песень напісалі мы самі, аранжыроўку рабілі разам, групай. Саунд-прадзюсар нашага альбома - Аляксандр Табольскі, гукарэжысёр - Андрэй Баброўка, які працуе з групамі «Brutto» і «Ляпіс-98».

Чый гэта хутар? І як ладзілі быт?

- Гэта хутар нашага сябра. Мы хацелі пабыць без людзей і без тлуму - толькі побач з прыродай. Гатавалі ежу на вогнішчы, спалі на вуліцы. Апроч рэпетыцый проста хадзілі па палях і лясах.

...А ці маглі б вы жыць у вёсцы, як некаторыя маладыя людзі з творчага асяроддзя, Дзмітрый Карась, напрыклад?

- Мы - асобы найперш сацыяльныя, і нам трэба быць у горадзе, быць мабільнымі, таму пакуль што мы не можам уявіць сабе, як будзем жыць у вёсцы.

А я пакрысе ўяўляю, - дадае Арцём. - Я хацеў бы жыць усё ж такі ў доме за горадам.

Якую нерухомасць маеце самі - кватэру, дачу, хутар?

- У нас яшчэ ўсё наперадзе. (Усміхаюцца.)

У кліпе на песню «А дзе жывеш ты?» прачытваецца жыццёвая філасофія датчан - хюгге. Здаецца, вам блізкае гэтае радаснае светаўспрыманне: фізічная актыўнасць, смачная ежа, кола сяброў, дамашняя ўтульнасць, натуральныя тканіны, прырода...

- Так, нам гэта блізка, - адказвае Арцём. - Вы пералічылі тое, што для нас сапраўды важна. Любім, напрыклад, смачна паесці. І калі знаходзімся ў розных краінах, любім паспытаць нацыянальную страву - самую яскравую, якая ёсць. Я вельмі люблю прыязджаць да сваёй бабулі, яна вельмі добра гатуе. І Ксенія таксама добра гатуе. І натуральныя тканіны, прырода - гэта сапраўды тое, што нас натхняе. Калі ёсць жаданне і магчымасць (а жаданне ёсць заўсёды), стараемся паехаць за горад.

Як не спытацца: у маладой сям'і сапраўды чакаецца прыбаўленне? Заінтрыгавалі ж. Кліп на песню «А дзе жывеш ты?» вы назвалі пачаткам новай гісторыі: не толькі творчай, але і сямейнай. І Арцём у фінале робіць красамоўны жэст - гладзіць жонку па жываце...

- Так, мы чакаем прыбаўленне, - гаворыць Ксюша. І дадае: - Гэты маленькі чалавечак дзе толькі не пабываў з намі на гастролях! Я прыслухоўваюся да незвычайных адчуванняў: быццам знаходжуся ў космасе. Усе думкі аб гэтым. Асабліва калі слухаеш песню, і дзіця напамінае пра сябе знутры, як быццам хоча паказаць, што яму падабаецца. Мне здаецца, ён ужо ведае, калі я пяю.

Пра ваша вяселле - калі і як згулялі, здаецца, ніхто не ведае. Інтрыга застаецца?

- У нас вяселле было 5 верасня 2014 года. Мы сабралі чалавек 30-40 самых блізкіх людзей. Атрымалася вельмі крута. Не было ніякіх запрошаных музыкантаў, спявалі самі: гэта быў вельмі эмацыянальны момант, наш падарунак і падзяка тым, хто сабраўся.

Новости Бреста

Як бы вы ацанілі свой вопыт на «Еўрабачанні» зараз, калі прайшло ўжо колькі часу?

- Гэта цікавы і вельмі важны вопыт для любога артыста. А такой падтрымкі ад людзей нават не чакалі. Вядома, праца каласальная: паўгода ты практычна не належыш сабе - толькі конкурсу. Але, калі ты трапіў туды, трэба аддаваць усяго сябе. Мы так і рабілі. Мы былі шчырымі на сцэне. Лічым, зрабілі ўсё, што ў нашых сілах.

Чаму ўсё ж рашыліся праспяваць на беларускай мове?

- Для нас важна, што гэта наша культура і наша мова. Зараз беларуская мова, згодна з ЮНЕСКА, знаходзіцца ў групе ўразлівых моў. Для нас важна было паказаць на такой пляцоўцы, што наша мова жывая, і яна павінна жыць далей.

Хто з вас дваіх лепш ведае сваю мову?

- Мае бацькі вучыліся ў педагагічным універсітэце, удзельнічалі ў тэатральнай трупе «Жывое слова» ўніверсітэта, бацькі заўсёды бралі мяне з сабой, там і пазнаёмілася з беларускай песняй, - гаворыць Ксюша. - Арцём удакладніў маё веданне мовы. Ён памагае мне, калі я сама пішу песні па-беларуску. Яго таксама можна лічыць маім настаўнікам.

Кліп з Coca Cola - больш чым проста рэклама прадукту. Будзеце яшчэ ўдзельнічаць у рэкламных праектах?

- Калі будуць добрыя прапановы. З Cocа Cola мы змаглі дамовіцца ў творчым плане: зрабіць песню ў сваім стылі і менавіта на беларускай мове.

Якія гастролі адбудуцца ў бліжэйшы час?

- Наперадзе ў нас тур па гарадах Беларусі з прэзентацыяй новага альбома (у Берасці мы таксама будзем), канцэрты ў Кіеве і Львове і, магчыма, у Маскве.

Чым, па-вашаму, Брэст адрозніваецца ад іншых беларускіх гарадоў?

- Раней гэта быў для нас пераважна такі перавалачны пункт, калі мы ездзілі ў Польшчу (можна сустрэцца з сябрамі). У нас было некалькі цудоўных выступленняў, у бары «Карова», напрыклад. Крута, што ў Берасці адкрываюцца такія месцы, куды можна прыйсці і адчуць сябе ў цэнтры Еўропы, гэта сапраўды так... Шчаслівыя, што мы прыедзем у горад і будзем граць не менш за дзве гадзіны.

Узгадайце самыя неверагодныя выпадкі, якія з вамі адбыліся ў мінулым годзе.

- У мінулым годзе іх было так шмат! Самы фантастычны - гэта авантурнае рашэнне: пацалавацца ў фінале «Еўрабачання» без рэпетыцый.

Новы год у прыхільнікаў дацкай філасофіі «маленькіх радасцей» ці папросту ў жыццярадасных Ксюшы і Арцёма: які ён?

- У нас ёсць традыцыя: кожны год едзем у якую-небудзь краіну, у іншы горад. Так будзе пяты год запар. У гэты раз выбралі Адэсу.

Што вы самі сабе пажадалі б у новым годзе?

- Хацелася б, каб новы год быў не менш насычаным і плённым, чым 2017-ы. Зробім усё, каб у нас не было ні дня перадыху. Жыхарам Брэста таксама пажадаем рухацца наперад, ніколі не спыняцца. Не толькі ездзіць на закупы ў Польшчу, а часцей гуляць па любімых мясцінах. Памяняць універсал (у каго ён ёсць) ці іншую нерухомасць на красовер. (Смяюцца.)

Дзякуй. І да сустрэчы на канцэрце!

Антонина Хокимова

1337
0
Меня это радует (50%)
Мне все равно (0%)
Мне это интересно (0%)
Меня это злит (50%)
Отзывы отсутвуют. Вы можете первым оставить свой комментарий.
Юбилейный январский музыкальный фестиваль завершился вчера громким аккордом. Открывал...
1391
0
С 9 по 11 января на сцене Брестского центра молодежного творчества состоялся традиционный...
935
0
Это решение принято главой государства и обозначено в соответствующем указе...
1116
0
Вечер закончился несколько часов назад, а для каждого, кто в этот день был в театре,...
1290
1
Есть ли в брестских школах проблема безопасности?






Ответить
usd 1.97 1.99
eur 2.42 2.44
rur 3.47 3.52
+выбрать лучший курс
Авторизация
E-mail:
Пароль:
Заказать звонок
Ваше имя:
Телефон:
Удобное время для звонка:
Отправить
Вы используете устаревший браузер.
Чтобы использовать все возможности сайта, загрузите и установите один из этих браузеров:
mozilla chrome opera safari